AIP Supplement – ÍSLAND / ICELAND
Isavia ANS ehf., Reykjavíkurflugvelli, 102 Reykjavík /
Isavia ANS, Reykjavik Airport, IS-102 Reykjavik, Iceland
Sími / Telephone: + 354 424 4000
ais@isavia.is
http://www.isavia.is/
 
AIP SUP nr 02/2025
Effective from  12 FEB 2025
Published on 12 FEB 2025
 
 
Skipulag vegna Reykjaneselda /
Procedures due to Volcanic activity at Reykjanes peninsula
Efnisleg ábyrgð: ISAVIA ANS

1 Inngangur

Vegna eldsumbrota á Reykjanesskaga undanfarin ár og líkur á áframhaldandi virkni hefur Samgöngustofa, í samráði við Isavia ANS, uppfært skipulag til að tryggja öryggi flugs og þjóna betur þörfum notenda loftrýmisins. 
Skilgreint  er nýtt haftasvæði (BIR9) og sjónflugsleið milli þess og Reykjavíkurflugvallar (BIRK). Haftasvæði og sjónflugsleið eru auglýst með NOTAM. 
NOTAM verða einnig gefin út vegna breytinga á loftrými svo sem uppsetningu bannsvæða innan haftasvæðisins.

2 Haftasvæði (BIR9)

2.1 Mörk haftasvæðis (BIR9) birt í NOTAM

BIR9 afmarkast með beinni línu milli
Grindavíkurvegur 63563097N 022254190W,
Keilir  63563027N022101228W,
Kleifarvatn 63541461N021593320W,
Húshólmi 63495123N022101737W,
Rás (Grindavík) 63495500N 022273600W
Bláalónið bílastæði 63525800N 022272400W.
Flokkur loftrýmis: G
Efri mörk: 2 500 fet yfir sjávarmáli
Neðri mörk: Jörð

2.2 Flugleiðsöguhindranir

Tvö loftnet eru í nágrenni við Grindavík, auðkennd með ljósi á toppi og fyrir miðju loftnetanna, sjá ENR 5.4.1.  
 
Flugmenn skulu varast stög við loftnetin.
Mögulega verða loftnetin rafmagnslaus vegna eldsumbrota og er flugmönnum bent á að fylgjast með NOTAM vegna þess.

2.3 Notkun svæðis

BIKF TWR, BIRK TWR og FAXI veita heimildir inn í BIR9 að beiðni flugmanna.
Vakin er sérstök athygli á að flugmenn þurfa að afla heimildar áður en flogið er inn í CTR og TMA frá viðeigandi turni eða aðflugi, sjá mynd í kafla 6.
Mikilvægt er að flugmenn kalli alltaf í flugumferðarstjórn áður en BIR9 er yfirgefið.
Flug á vegum Almannavarna hefur forgang á notkun BIR9.
Þegar flugbraut 28 er í notkun á Keflavíkurflugvelli eru ekki veittar heimildir fyrir flug inn í BIR9 að undanskildu flugi á vegum Almannavarna.
Isavia takmarkar notkun BIR9 í samræmi við ákvarðanir yfirvalda.
Tilkynningar um takmarkanir á notkun BIR9 verða á 131.8 MHz, á ATIS BIKF og BIRK og NOTAM ef við á. Flugmenn skulu að kynna sér takmarkanir á svæðinu í gegnum ATIS fyrir flugtak.
Skilyrði: Ratsjársvari. Hlustvörður og fjarskipti milli loftfara á 131.800 MHz.         
Lögreglan og Almannavarnir munu skilgreina önnur haftasvæði, þau svæði verða einnig auglýst með NOTAM.

3 Sjónflugsleið milli BIRK og BIR9 birt í NOTAM

Sjónflugsleið 7 milli BIRK og BIR9 er í 2000 fetum fyrir þyrlur og 1500 fetum fyrir fastvængjur um Garðakirkju, beint  Álver beint Keilir.
Líkt og við flug um aðrar sjónflugsleiðir er áríðandi að flugmenn haldi sig hæfilega til hægri við miðlínu flugleiðar.
Miðað skal við að hafa ekki minna en u.þ.b.  45° horn frá miðlínu flugleiðar (miðað við jörðu) til loftfars.

4 Flug fisa milli Heiði og BIR9

Gerð er undaþága fyrir flug fisa frá Heiði inn í BIR9 um Kleifarvatn á meðan NOTAM er í gildi. Undanþágan gildir ekki ef BIR9 er ekki í boði. 
 
Undanþágan er skilyrt samkvæmt eftirfarandi:
  1. Leggja skal inn rafræna flugáætlun.
  1. Flogið skal utan BIRK CTR, BIKF CTR og neðan við FAXI TMA.
  1. Samskipti inn í BIR9, eru á tíðninni 131.800 MHz.
  1. Loftfar skal búið ratsjársvara og skal vera kveikt á honum.
  1. Fara skal eftir fyrirmælum flugturns sem getur hafnað beiðnum um að fljúga inn í BIR9 og gefið fyrirmæli um að rýma það.
  1. Fisflugmenn skulu hafa kynnt sér skilyrðin, tilhögun flugs, sem kynnt eru í þessum viðbæti (AIP SUP) sem og NOTAM sem gefin eru út um flug í og við BIR9.
Tilhögun flugs milli Heiði og BIR9:
  1. Óska skal heimildar til að fara inn í BIR9 hjá flugturninum í Reykjavík sem fyrst eftir brottför á Heiði.
  2. Fljúga skal utan BIRK CTR og BIKF CTR og neðan FAXI TMA um Kleifarvatn inn í BIR9.
  3. Flugturn mun skipta fisflugi á tíðni BIR9.
  4. Fljúga skal út úr svæðinu um Kleifarvatn, tilkynna flugturninum í Reykjavík þegar BIR9 er yfirgefið og um lokun flugáætlunar.

5 Tilhögun flugs innan BIR9

Loftrými innan BIR9 er skilgreint sem loftrýmisflokkur G. 
Almennar flugreglur gilda um flug innan svæðisins.                           
Flugmenn eru hvattir til að sýna ýtrustu varkárni sökum mögulega mikillar umferðar og árekstrarhættu.
Vakin er athygli á mögulegum hafta- og bannsvæðum innan BIR9 sem auglýst eru með NOTAM.
Einnig nær æfingasvæðið Sletta inn í BIR9 en virkjun þess er auglýst með BIKF ATIS.                
 
Auknar líkur eru á drónaflugi í BIR9 upp í tæp 400 fet (120 metra) yfir jörðu.

6 Tilmæli á meðan á eldgosi stendur:

  1. Umferð haldi sig vindmegin við gosstöð.
  1. Ekki sé flogið yfir gosstöð.
  1. Flugmenn komi sér saman um vörðu vindmegin, í öruggri fjarlægð.
  1. Fogið sé hringflug með vinstri beygjum um stöðumiðið.

7 Kort sem sýnir sjónflugsleið og staðsetningu BIR9

 
 

8 Tengiliðir

Ef óskað er frekari upplýsinga vinsamlegast hafið samband við:                    
 
Netfang / Email:  procedures@isavia.is

 

 
Viðbætur við Flugmálahandbók felldar út gildi:
 

AIP SUP 11/2024
 
Efni eftirfarandi NOTAM skeyta birt í þessu upplýsingabréfi:
Ekkert
 

ENDIR / END