AIC – ÍSLAND / ICELAND
Isavia ANS ehf., Reykjavíkurflugvelli, 102 Reykjavík /
Isavia ANS, Reykjavik Airport, IS-102 Reykjavik, Iceland
Sími / Telephone: + 354 424 4000
ais@isavia.is
http://www.isavia.is/ 

 
AIC A 010 / 2021
Effective from  23 APR 2021
Published on 23 APR 2021
 
 
Verklag til að minnka álag á fjarskiptatíðni flugturns Reykjavíkurflugvallar/
Procedures to decrease frequency-load on tower frequency at Reykjavik airport

Efnisleg ábyrgð: Isavia ANS

1 Inngangur

1.1 Álag á tíðni

Álag á tíðni flugturns Reykjavíkurflugvallar 118.0 MhZ hefur verið mikið undanfarin ár.

Sumarið 2019  var unnin greining til að meta álag og greina hvort úrbótatækifæri væru til staðar.

Tveir dagar voru valdir af handahófi og hlustað á upptökur einnar klukkustundar hvorn dag. Valin var sú klukkustund þar sem flestar hreyfingar innan dagsins voru skráðar. 

1.1.1 Greining

29. maí kl. 11:00 - 12:00. 

  • Braut 13 í notkun. 67 skráðar hreyfingar. 
  • Tíðni turns var upptekin í 1.694 sek. af 3.600, eða 47%. 
  • Milli 11:40 og 11:50 var álagið 93% 

6. júní kl. 12:00 - 13:00. 

  • Braut 01 í notkun. 53 skráðar hreyfingar. 
  • Tíðni turns upptekin í 1.832 sek. af 3.600, eða 51%. 
  • Milli 12:30 og 12:40 var álagið 85% 

2 Að minnka álag á tíðnina

Verkefnahópur skoðaði hvaða atriði það voru sem helst sköpuðu álag á tíðni turns (118.0) og veltu upp mögulegum lausnum til að minnka það álag. 

Sex atriði voru auðkennd, eitt þeirra var að jafna álag milli Grundar og Turns og minnka þann tíma sem flugvélar væru á tíðni turns (118.0) fyrir flugtak og eftir lendingu.

Með það að markmiði var gerð breyting á verklagi flugumferðarstjóra í flugturninum á Reykjavíkurflugvelli.

3 Innleiðing

Breytingin tók gildi þann 18. desember 2019.
Nú gildir:

  • Loftför skulu vera á og stjórnað af Grund tíðni (121.7 MHz) fyrir flugtak alveg að biðlínu flugbrautar og eftir lendingu strax og loftfar er komið út af flugbraut sem lent var á.
  • Ökutæki skulu vera á og stjórnað af Grund, tíðni (168.6 MHz) eingöngu.
  • Grund og Turn samræma akstur yfir og eftir flugbrautum.

Áhrif sem breytingin hefur á flugmenn er:

  • Samskipti við flugstjórnarþjónustuna sem áður áttu sér stað á tíðni turns vegna aksturs fyrir og eftir flug, eiga sér nú í meiri mæli stað á tíðni grundar.
  • Flugmenn fá í einhverjum tilfellum fyrirmæli um akstur eða þverun flugbrauta hjá Grund. Þetta er gert að undangenginni samvinnu þar sem Turn samþykkir beiðni Grundar um akstur eða þverun ef umferð leyfir.
  • Fyrirmæli um akstur í brautarstöðu ætti ávallt að eiga sér stað á tíðni turns.

Sumum flugmönnum hefur þótt þessi breyting óþægileg og er það skiljanlegt þar sem verið er að breyta gamalli venju. 

4 Tengiliðir

Ef óskað er frekari upplýsinga, eða ef koma þarf athugasemdum á framfæri, vinsamlegast hafið samband við:

 

Netfang / Email: procedures@isavia.is

Sími / Phone:  +354 424 4000

 

Upplýsingabréf fellt út gildi:

Ekkert

 

Efni eftirfarandi NOTAM skeyta birt í þessu upplýsingabréfi:

Ekkert

 


ENDIR / END