2.20.1  Almennar takmarkanir

Skilyrði - Sendir og móttakari.

Hægri handar umferðarhringur fyrir braut 21, vinstri handar umferðarhringur fyrir braut 03.

2.20.2    Takmarkanir kennslu- og æfingaflugs

Til að viðhalda öryggi getur flugleiðsöguþjónusta þurft að draga úr álagi án fyrirvara með því að takmarka þjálfunarflug.

2.20.3    Flug fisa

Flug fisa er heimilt.

2.20.4    Umferð á jörðu og stæði

Hafið samband við flugradíó.

Eftirfarandi flugaðferðir hafa verið þróaðar til að minnka líkur á að hávaði frá flugi hafi áhrif á íbúa í nágrenni flugvallarins.

2.22.1 Almennt

2.22.1.1    Hægri handar umferðarhringur fyrir braut 21. Staðlaður vinstri handar umferðarhringur fyrir braut 03.

2.22.1.2    Leitast skal við að koma í og fara úr umferðarhring með 45° horni.

2.23.1    Eldsneytisgeymar

Eldsneytisgeymir er staðsettur innan öryggissvæðis, 120 m frá miðlínu brautar og á norðurenda flughlaðs. Sjá Rafrænt landslags- og hindranakort (ICAO).

2.23.2    Fuglar á og við flugvöllinn

Gæsir og álftir eru einu fuglar sem eitthvað kveður að við völlinn og eru nokkuð samstíga í tímasetningum. Eini munurinn er að álftin virðist ekki verpa mikið í nágrenni vallarins.

Fyrstu fuglarnir koma oftast í byrjun apríl og eru fram í júní, koma svo aftur í ágúst og fara í lok október.

Nokkuð mikill fjöldi gæsa verpir innan flugvallarsvæðisins, þá mest í jaðri varpstöðva við Lagarfljót og einnig í kjarri og runnum austan við braut.

Áætlað er að um 100-150 pör verpi á árbökkum og hólmum Lagarfljóts norðan brautar.

Gæsin er mikið á túnum sunnan og austan við braut og svo á Lagarfljótinu á nóttunni.

Sérstök athygli er vakin á því að umhverfis flugvöllinn og í næsta nágrenni hans eru göngustígar sem fólk notar bæði til gönguferða og einnig til að viðra hunda.
Hætta er á að gangandi vegfarendur og hundar fæli upp fugla í nágrenni flugvallarins sem fljúga oftar en ekki í átt að Lagarfljóti og þar með yfir eða í námunda við flugbraut, komu- og brottfararleiðir.

NIL