GEN 3.5 VEÐURÞJÓNUSTA

GEN 3.5.1 Ábyrgðaraðili þjónustunnar

Samgöngustofa er veðurfræðilegt stjórnvald á Íslandi. Veðurstofa Íslands fer með hlutverk aðalveðurstofu svæðisins og sinnir hún ásamt Isavia flugtengdri veðurþjónustu innan íslenska flugstjórnarsvæðisins þ.m.t. á flugvöllum. Þjónustan er veitt samkvæmt þjónustusamningi Innviðaráðuneytis við Isavia um flugleiðsögu og auk þess skv. samstarfssamningi milli Isavia og Veðurstofu Íslands.

	Veðurstofa Íslands Bústaðavegi 9 150 Reykjavík, Ísland
Sími:	+ 354 522 6000
Símbréf:	N/A
AFS:	BIRKYMYX
Netfang:	office@vedur.is
Veffang:	https://www.vedur.is/vedur/flugvedur/

	Isavia ANS Nauthólsvegur 60-66 102 Reykjavík, Ísland
Sími:	+ 354 424 4000
Símbréf:	N/A
AFS:	BIRKZQZQ
Netfang:	isavia@isavia.is
Veffang:	https://www.isavia.is/fyrirtaekid/c-forflugsupplysingar/flugvedur/flugvedur

GEN 3.5.1.1 Viðeigandi skjöl

Veðurþjónusta vegna flugleiðsögu er í samræmi við alþjóðareglur sem tilgreindar eru í eftirfarandi ritum:

Reglugerð nr. 720/2019, sem er innleiðing á reglugerð (EU) 2017/373. Reglugerðin snýr að sameiginlegum kröfum fyrir veitendur þjónustu á sviði rekstrarstjórnunar flugumferðar/ flugleiðsöguþjónustu og á sviði starfsemi neta fyrir rekstrarstjórnun flugumferðar og eftirlit með þeim.

ICAO Annex 3 - Meteorological Service for International Air Navigation.

ICAO DOC 014 – SIGMET and AIRMET Guide (EUR)

ICAO Doc 7030 - Regional Supplementary Procedures. ICAO Doc 8896 - Manual of Aeronautical MET Practices.

ICAO Doc 9328 - Manual of Runway Visual Range Observing and Reporting Practices.

ICAO Doc 9377 - Manual on Co-ordination between Air Traffic Services and Aeronautical Meteorological Services.

ICAO Doc 9634 eANP NAT region.

ICAO DOC 9691 – Manual on Volcanic Ash, Radioactive Material and Toxic Chemicals

ICAO DOC 9766 – Handbook on International Airways Volcano Watch (IAVW)

ICAO DOC 10100 – Space Weather

WMO Publication Nr. 9 Weather Reports. WMO Technical Regulations Nr 49.

Frávik frá ICAO viðauka 3 eru tilgreind í GEN 1.7.

GEN 3.5.2 Ábyrgðarsvæði

Veðurstofa Íslands er hin opinbera veðurstofa landsins og útnefnd sem aðalveðurstofa gagnvart flugleiðsögu. Hún sér um vöktun veðurs og útgáfu viðvarana (SIGMET) fyrir Reykjavík FIR/CTA, ásamt söfnun og dreifingu veðurskeyta.

Isavia ANS sér um gerð og dreifingu METARa á íslenskum flugvöllum nema í Reykjavík og Keflavík sem Veðurstofan hefur umsjón með. Isavia ANS sér einnig um ýmsa vöktun og dreifingu upplýsinga um veðurfyrirbæri sem ógnað geta öryggi flugs.

GEN 3.5.3 Veðurathuganir og veðurskeyti

GEN 3.5.3.1 Athuganir á veðri við yfirborð

Veðurathuganir á flugvöllum eru gerðar ýmist handvirkt eða með aðstoð sjálfvirkra mælitækja:

Reglubundnar veðurathuganir METAR
Á flugvöllunum í Keflavík, Reykjavík, Akureyri og Egilsstöðum eru gerðar reglulegar athuganir allan sólarhringinn, á hálftíma fresti í Keflavík en á klukkustunda fresti á öðrum flugvöllum.
Athugunum frá Keflavík er útvarpað á VOLMET frá Shannon á Írlandi, (sjá VOLMET töflu).
Staðbundin reglubundin veðurathugun (local routine report) er gefin út fyrir BIKF á hálftíma fresti allan sólarhringinn og fyrir BIRK á klukkustundarfresti á opnunartíma flugvallar, t.d. með birtingu í flugvallarútvarpi (ATIS).

Sérstakar veðurathuganir
SPECI eru gerðar þegar vart verður marktækra veðrabreytinga til hins verra eða betra milli reglubundinna athugana.
Ef veður fer marktækt versnandi er strax sent út SPECI-skeyti en ef veður fer batnandi er skeyti ekki sent fyrr en batinn hefur staðið í 10 mínútur. Keflavíkurflugvöllur (BIKF) gefur ekki út SPECI athuganir.
Þessum skeytum er dreift á sama hátt og METAR skeytunum. SPECI veðurskeyti má einnig gefa út í sérstökum tilfellum að beiðni ATS og flugrekenda.

METAR og SPECI skeyti fyrir flugvellina á Bíldudal, Ísafirði, Gjögri, Grímsey, Húsavík, Hornafirði, Þórshöfn, Vopnafirði og Vestmannaeyjum eru send út á klukkustunda fresti á þjónustutíma flugvallanna, (sjá AD 2.3.7).
METAR og SPECI athugunum er dreift á AMHS til ATS, flugfélaga og OPMET gagnabanka. Einnig eru upplýsingarnar birtar á heimasíðu Veðurstofunnar.

GEN 3.5.3.2 Vindur við yfirborð

Á öllum íslenskum flugvöllum í töflunum hér á eftir er mæld vindátt og vindhraði með skálavindhraðamælum eða úthljóðsbylgju- vindnemum. Vindmælarnir eru í 7-10 m hæð frá jörðu. Á sérhverjum flugvelli eru mælarnir staðsettir þannig að þeir gefi raunsanna mynd af aðstæðum á flugvellinum, sjá flugvallakort (AD 2.24). Lesið er af mælunum í viðkomandi flugumferðarþjónustudeild. Vindhraði er tilgreindur í hnútum.

GEN 3.5.3.3 Skyggni

Skyggni í veðurathugunum er ríkjandi skyggni. Skyggni er metið út frá þekktum vegalengdum í umhverfinu. Þegar minnsta skyggni er frábrugðið ríkjandi skyggni, og

minna en 1500 m eða
minna en 50% af ríkjandi skyggni og undir 5000 m;

skal einnig gefa minnsta skyggni og átt þess miðað við höfuðáttirnar átta. Ef minnsta skyggni er mjög frábrugðið eftir áttum skal sú átt tilgreind sem hefur mesta þýðingu fyrir flugið. Þegar breytingar á skyggni eru örar og ekki hægt að ákvarða ríkandi skyggni, skal aðeins tilgreina minnsta skyggni án tilvísunar til áttar.

GEN 3.5.3.4 Flugbrautarskyggni (RVR)

Á Akureyri, Egilsstöðum, Keflavík og í Reykjavík eru sérstakir flugbrautarskyggnismælar (sjá flugvallakort) sem mæla RVR (Runway Visual Range) sem er tilgreint í METAR þegar skyggni eða RVR mælist undir 1500 metrum.

Lágmarksgildi mælanna er 10 metrar.

RVR er tilgreint í 25 metra þrepum upp að 400 metrum, 50 m þrepum milli 400 og 800 metra og 100 metra þrepum upp að 1500 metrum.

GEN 3.5.3.5 Skýjahæð

Skýjahæð er metin á öllum flugvöllum en með aðstoð skýjahæðamæla á flugvöllunum á Akureyri, Egilsstöðum, Keflavík, Reykjavík, Ísafirði, Hornafirði, Húsavík og Vestmannaeyjum.

Skýjategund er ekki tilgreind nema um háreist skúraský (TCU eða CB) sé að ræða

GEN 3.5.3.6 Hiti / daggarmark

Lofthiti og daggarmark eru mæld og tilgreind í METAR frá öllum flugvöllum.

GEN 3.5.3.7 QNH

Loftþrýstingur er gefinn upp í einingunni hPa sem jafngildir millibörum.

GEN 3.5.3.8 Vindhvörf

Vindhvörf í lægri hæðum eru ekki mæld með tækjum á íslenskum flugvöllum. Upplýsingum um vindhvörf frá flugvélum við lendingu og flugtak, eða upplýsingum fengnum eftir öðrum leiðum, er hægt að koma á framfæri í METAR eða MET- Reports (í gegnum ATIS) ef um langvarandi vindhvörf er að ræða. Einnig er leitast við að veita upplýsingar munnlega um vindhvörf við flugvelli hvort sem um er að ræða skammvinn eða langvinn fyrirbæri.

GEN 3.5.3.9 Veðurmælingar í háloftum

Reglubundin veðurmæling í háloftum á Keflavíkurflugvelli er gerð tvisvar á sólarhring, kl. 11:00 og 23:00. Mælingin felur í sér sleppingu loftbelgs með léttum mælitækjum.
Starfsmenn Veðurstofu Íslands á Keflavíkurflugvelli sjá um framkvæmd. Fyrir framkvæmd skal heimild til sleppingar loftbelgs fengin frá flugstjórnarþjónustu Keflavíkurflugvallar.

Reglubundin veðurmæling í háloftum á Egilsstaðaflugvelli er gerð einu sinni á sólarhring, kl. 11:00 frá 1. september til 10. maí. Mælingin felur í sér sleppingu loftbelgs með léttum mælitækjum. Flugvallarstarfsmenn Isavia á Egilsstaðaflugvelli sjá um framkvæmd, Fyrir framkvæmd skal heimild til sleppingar loftbelgs fengin frá flugupplýsingaþjónustu vallarins (AFIS).

Óreglubundnar mælingar: Við ákveðnar aðstæður, s.s. eldgos, er veðurmælingum í háloftum fjölgað á Keflavíkurflugvelli og Egilsstaðaflugvelli í fjórar á sólarhring. Heimildum til sleppinga skal aflað á sama hátt og þegar um reglubundnar veðurmælingar í háloftum er um að ræða. Gera skal grein fyrir óreglubundnum veðurmælingum í háloftum í NOTAM.

Færanleg háloftastöð er notuð til veðurmælinga í háloftum á meðan á eldgosi stendur og er staðsett nálægt þeirri eldstöð sem gýs hverju sinni. Einnig er slík stöð notuð til veðurfræðirannsókna og við þjálfun starfsmanna VÍ. Sérfræðingar Veðurstofu Íslands sjá um framkvæmd slíkra mælinga. Sé sleppingin í nágrenni flugvallar skal heimild einnig fengin frá viðkomandi flugstjórnarþjónustu/ flugupplýsingaþjónustu. Gera skal grein fyrir sleppingum úr færanlegri háloftastöð í NOTAM.

Niðurstöður veðurmælinga í háloftum frá BIKF og BIEG eru birtar í hitariti á vef Veðurstofu Íslands;

https://www.vedur.is/vedur/flugvedur/haloftaathuganir/

GEN 3.5.3.10 Veðurstöðvar

Sjá töflur í köflum GEN 3.5.3.11 (SYNOP) & GEN 3.5.3.12.(METAR)

GEN 3.5.3.11 Skrá um veðurathugunarstöðvar fyrir millilandaflugleiðsögu

INDEX NO	SYNOP STATION	COORDINATES	HEIGHTS	REMARKS
1	2	3	4	5
030	Reykjavík ^I.	6408N 02154W	52 m
005	Bolungarvík	6610N 02315W	26 m
063	Akureyri	6541N 01806W	23 m	Observation taken in City
089	Egilsstaðaflugvöllur ^II.	6516N 01424W	23 m
097	Dalatangi	6516N 01335W	9 m
082	Höfn	6416N 01512W	8 m
064	Kirkjubæjarklaustur - Stjórnarsandur ^I.	6348N 01801W	22 m
048	Vestmannaeyjar	6324N 02017W	118 m
018	Keflavik Aerodrome ^III.	6358N 02235W	47 m
Á klst. fresti / Hourly reports Synop skeyti er búið til úr sjálfvirkri athugun og METAR skeyti / Synop report is made from an automatic weather station and a METAR Á hálftíma fresti. Allar aðrar stöðvar athuga á 3ja klst. fresti (t.d. 00. 03. 06. o.s.frv.) / Half hourly reports. All other stations report at synoptic hours (i.e. 00. 03. 06. etc.)

GEN 3.5.3.12 Veðurstöðvar og veðurmyndavélar

Veðurathuganir og veðurvefmyndavélar er á vef Veðurstofunnar ( vedur.is) og hjá Vegagerðinni ( vegagerdin.is).

GEN 3.5.3.13 Veðurathuganir og veðurskeyti

Name of station / ICAO Location Indicator	Type and frequency of Observation	Types of MET reports	Observation System and Site(s)	Hours of Operation (UTC)	Climatological information
1	2	3	4	5	6
BIKF - KEFLAVÍK / Keflavik	Half Hourly	METAR	Ultrasonic Wind Sensor Cup Anemometer RWY RVR EQPT Ceilometer	H24	Íslenska / Icelandic vedur.is/vedur/flugvedur/vedurfar/ Enska / English en.vedur.is/weather/aviation/climate/
BIRK - REYKJAVÍK / Reykjavik	Hourly	METAR SPECI	Cup Anemometer RWY RVR EQPT Ceilometer	H24
BIAR - AKUREYRI / Akureyri	Hourly	METAR SPECI	Cup Anemometer RWY RVR EQPT Ceilometer	H24
BIEG - EGILSSTAÐIR / Egilsstadir	Hourly	METAR SPECI	Cup Anemometer RWY RVR EQPT Ceilometer	H24
BIBD - BÍLDUDALUR / Bildudalur	Hourly during ATS Operations Hours	METAR SPECI	Cup Anemometer	See AD 2.3.7
BIIS - ÍSAFJÖRÐUR / Isafjordur	Hourly during ATS Operations Hours	METAR SPECI	Ultrasonic Wind Sensor Ceilometer	See AD 2.3.7
BIGJ - GJÖGUR / Gjogur	Hourly during ATS Operations Hours	METAR SPECI	Cup Anemometer	See AD 2.3.7
BIGR - GRÍMSEY / Grimsey	Hourly during ATS Operations Hours	METAR SPECI	Cup Anemometer	See AD 2.3.7
BIHU - HÚSAVÍK / Husavik	Hourly during ATS Operations Hours	METAR SPECI	Cup Anemometer Ceilometer	See AD 2.3.7
BITN - ÞÓRSHÖFN / Thorshofn	Hourly during ATS Operations Hours	METAR SPECI	Cup Anemometer	See AD 2.3.7
BIVO - VOPNAFJÖRÐUR / Vopnafjordur	Hourly during ATS Operations Hours	METAR SPECI	Cup Anemometer	See AD 2.3.7
BIHN - HORNAFJÖRÐUR / Hornafjordur	Hourly during ATS Operations Hours	METAR SPECI	Cup Anemometer Ceilometer	See AD 2.3.7
BIVM - VESTMANNAEYJAR / Vestmannaeyjar	Hourly during ATS Operations Hours	METAR SPECI	Ultrasonic Wind Sensor Ceilometer	See AD 2.3.7

GEN 3.5.4 Veðurþjónusta

Veðurþjónusta vegna flugs er veitt allan sólarhringinn á Veðurstofu Íslands. Hægt er að nálgast hana með ýmsu móti, eins og beinu sambandi við veðurfræðing eða í gegum netið.

Bein viðtöl við veðurfræðinga fást aðeins á Veðurstofu Íslands, Bústaðavegi 9.
Fyrir notendur á öðrum flugvöllum fást bein viðtöl aðeins gegnum síma.
Upplýsingar fást með því að hringja í beint símanúmer
+ 354 522 6310.

Á heimasíðu Veðurstofunnar er hægt að nálgast veðurupplýsingar fyrir flug.

Upplýsingar fyrir millilandaflug samanstanda af WAFS spákortum fyrir marktækt veður (SWC), háloftavinda- og hitakortum og nýjustu fáanlegum flugvallaspám bæði fyrir áfangastað og varaflugvelli þeirra auk gildandi viðvarana um hættulegt veður, SIGMET, veðurtunglamyndir og fleira.

Flugveðurskilyrði yfir Íslandi eru gefin út þrisvar á sólarhring á ensku og eru ætluð fyrir innanlandsflug, bæði VFR og IFR upp í FL180.

Gildistími þessara upplýsinga er:
Kl. 07:00-12:00, útgefið fyrir kl. 06:30
Kl. 12:00-17:00, útgefið fyrir kl. 11:30 og
Kl. 17:00-23:00, útgefið fyrir kl. 16:30.

Flugveðurskilyrði yfir Íslandi innihalda veðurlýsingu og spár fyrir helstu veðurþætti sem viðkoma flugi, eins og vinda- og hitaspár fyrir fluglög FL050, FL100 og FL180, auk vindaspár nærri yfirborði. Spár eru einnig gerðar fyrir veðurfyrirbæri, skyggni og skýjafar frostmarkshæð, ísingu og ókyrrð auk annarra upplýsinga sem taldar eru mikilvægar.

Svæðisspá fyrir flug í lægri flughæðum (Low Level SIGWX-kort) er gefin út (að lágmarki) þrisvar sinnum á sólarhring, með gildistíma:

Kl. 06:00, útgefið fyrir kl. 02:00
Kl. 12:00, útgefið fyrir kl. 09:30 og
Kl. 18:00, útgefið fyrir kl. 15:30

Séu markverðar breytingar á svæðisspá fyrirséðar skal gefa út breytta spá.

Samgöngustofa metur það svo að þéttleiki flugumferðar sem starfrækt er undir FL100 eða upp að FL150 á fjallasvæðum eða hærra, sé ekki það mikill að þörf sé á AIRMET.

Veðurathuganir frá flugvöllum eru skráðar eins og tilgreint er í GEN 3.5.3.11.

GEN 3.5.4.1 Veðurspár (TAF)

Name of Station	Type of Services	Hours of Service	Time of Validity	Time of Issue
1	2	3	4	5
Keflavík – BIKF Reykjavík – BIRK Egilsstaðir – BIEG Akureyri – BIAR	TAF TAF AMD TAF COR	H24	00 - 24 03 - 03 06 - 06 09 - 09 12 - 12 15 - 15 18 - 18 21 - 21	23 02 05 08 11 14 17 20
Ísafjörður – BIIS Bíldudalur – BIBD Húsavík – BIHU Hornafjörður – BIHN Gjögur – BIGJ Grímsey – BIGR Þórshöfn – BITN Vestmannaeyjar – BIVM Vopnafjörður - BIVO	TAF TAF AMD TAF COR	During ATS Hours of Service See AD 2.3.7	During ATS Hours of Service See AD 2.3.7 08 - XX 11 - XX 14 - XX 17 - XX **	* 07:30 10:30 13:30 16:30
* Time of Issue: Initial TAF issued after the first METAR from the aerodrome, then according to these times. Note that TAF is only issued for ATS Hours of Service. ** Time of Validity: Minimum 2 hours up to 9 hours, depending on ATS Hours of Service.

GEN 3.5.5 Beiðni frá flugrekendum

Beiðni frá flugrekendum um veðurupplýsingar fyrir flug á föstum áætlunartímum og leiðum er afgreidd samkvæmt fyrirfram ákveðnu samkomulagi milli flugrekstraraðila og Veðurstofunnar. Beiðni frá flugrekendum um veðurupplýsingar fyrir flug utan fastra áætlunartíma eða flug samkvæmt breyttri áætlun er yfirleitt samkomulagsatriði, en best er að hún liggi fyrir ekki seinna en 2 klst. fyrir áætlaðan brottfarartíma.

Beiðnin skal innihalda allar nauðsynlegar upplýsingar um fyrirhugað flug (sjá ICAO Annex 3, 2. kafli, grein 2.3.4)

Þegar veðurupplýsingar vegna flugs hafa verið sóttar alllöngu fyrir brottför (ETD) ætti að hafa samband við Veðurstofuna rétt fyrir brottför til að kanna hugsanlegar breytingar.

GEN 3.5.6 Upplýsingar frá loftförum

Samkvæmt Annex 3, kafla 5, skal tilkynna Veðurstofunni um allt veður sem skiptir máli (significant) sem loftfar hefur orðið fyrir á flugi og í aðflugi eða klifri til/frá flugvöllum innan Reykjavíkur FIR/CTA.

Engar formlegar staðarákvarðanir hafa verið gefnar út þar sem tilkynna skal veður. Tilkynningar skulu framkvæmdar í samræmi við Regional Supplementary Procedures, Doc 7030.

Hægt er að skrá slíkar tilkynningar á vef Veðurstofunnar undir PIREP:

https://www.vedur.is/vedur/flugvedur/pirep

GEN 3.5.7 VOLMET-þjónusta

Name of Station	Call Sign ID (EM)	Frequency	Broadcast Period	Hours of Service	Aerodromes Included	Contents / Format / Remarks
1	2	3	4	5	6	7
KEFLAVIK	SHANNON VOLMET	3413 KHZ HN (during night) 5505 KHZ H24 8957 KHZ H24 13264 KHZ HJ (during day)	H+00 to H+25 and H+30 to H+55	H24	KEFLAVIK	Nil

Upplýsingar um veður á Keflavíkurflugvelli er hægt að fá í gegnum Shannon VOLMET á Írlandi.

GEN 3.5.8 SIGMET-þjónusta

GEN 3.5.8.1 Almennt

Veðurstofa Íslands vaktar veður og veðurfyrirbæri sem ógnað gætu flugöryggi, og einnig sér hún um gefa út og dreifa viðvörunum (SIGMET) þessu viðkomandi.
Vöktunarsvæði Veðurstofunnar er Reykjavík FIR/CTA.

GEN 3.5.8.2 Svæðaveðurþjónusta

Svæðaveðurþjónusta sem veitt er af Veðurstofu Íslands byggist meðal annars á upplýsingaþjónustu gagnvart ATS- deildum innan Reykjavík FIR/CTA og útgáfu SIGMETa.

SIGMET-skeyti er gefið út hvenær sem eitthvað af eftirfarandi fyrirbærum koma fyrir eða búist er við innan Reykjavík FIR/CTA:

SIGMET Tegund / SIGMET Type	Tilgreind fyrirbæri á flugleið / Specified en-route phenomena	Orð sem táknar fyrirbærið í SIGMETi / Term to be used for phenomena in SIGMET	Bókstafur fyrir fyrirbæri í raðnúmeri / First Letter in sequence number for phenomena
WC	Tropical cyclone	TC (+ name)	C
WC	Fyrir sendingu WC prófunarskeyta / For WC exchange test purposes	TC (+ name)	X
WV	Volcanic ash	VA	A
WV	Fyrir sendingu WV prófunarskeyta / For WV exchange test purposes	VA	Y
WS	Þrumuveður / Thunderstorm	TS (GR)	T
	Mikil kvika / Severe turbulence	SEV TURB	U
	Mikil ísing / Severe icing	SEV ICE	I
	Frostrigning / Freezing rain	FZRA	F
	Miklar fjallabylgjur / Severe mountain waves	SEV MTW	M
	Víðáttumikið moldrok / Heavy dust storm	HVY DS	D
	Víðáttumikill sandbylur / Heavy sandstorm	HVY SS	S
	Geislavirkt ský / Radioactive cloud	RDOACT CLD	R
	Fyrir sendingu WS prófunarskeyta / For WS exchange test purposes		Z

Þriggja stafa raðnúmer í SIGMETi er með fyrsta staf sem auðkennir fyrirbærið (sjá töflu) og síðan tvo tölustafi samsvarandi fjölda útgefinna SIGMETa fyrir slíkt fyrirbæri síðan 00.01 UTC.

SIGMET gilda allt að fjórum klst. nema eldgosa-SIGMET sem hefur allt að sex klst. gildistíma.

SIGMET skal að öllu jöfnu endurnýjað með a.m.k. 30 mín fyrirvara, ef þörf er á.
Athugið að ef SIGMET er sent út í æfingaskyni er það merkt með “EXER” í upphafi skeytis.

Samkvæmt ósk frá notendum eru ekki gefin út SIGMET yfir hafi nema tilkynning hafi borist um slík fyrirbæri.

Name of MWO / Location Indicator	Hours	FIR or CTA served	Type of SIGMET validity	Specific Procedures	ATS Unit served	Additional Information
1	2	3	4	5	6	7
Reykjavik-BIRK	H24	Reykjavik FIR/ CTA	Weather SIGMETs for Reykjavik FIR/ CTA Volcano SIGMETs for Reykjavik FIR/ CTA consisting of preeruption warnings, and also warnings during the eruptions	NIL	Reykjavik ACC RCC TWR	Languages: English and Icelandic Charts Available: S, U, P, W, T MET information/ flight folders are available from flight dispatchers, for example at Keflavik Airport. If requested, flight folder and weather briefing by a meteorologist is available by telephone at IMO Reykjavik tel: +354 5226310
Note: Charts Available: S = surface analysis (current chart); U = upper air analyses (3 = 300 h Pa); P = prognostic upper air chart; W = significant weather chart; T = tropopause chart

SIGMET eru send út með ATIS fyrir flugvellina í Keflavík, Reykjavík og Akureyri eins og við á.

Flugstjórnarmiðstöðin í Reykjavík dreifir SIGMET, sem hafa áhrif á viðkomandi flug innan BIRD CTA, til flugmanns með CPDLC, í gegnum Iceland Radio eða á flugstjórnartíðnum.

GEN 3.5.9 Aðrar sjálfvirkar veðurþjónustur

Flugveðurupplýsingar er hægt að nálgast á vefsíðu Veðurstofunnar, https://www.vedur.is/vedur/flugvedur og á Northavimet
https://www.northavimet.com

Sækja þarf um aðgang að Northavimet.